Child On Sale - The story of Child Trafficking In India

The article is written in Hinglish Version listen for better understanding.

"Child trafficking", is term ko ap kese define kar sakte h? Kidnapping ya selling of children for forced labour, exploitation ya sexual labour par kya aap us experience ko define kar sakte h jo us bache ne kidnap hote waqt face kiya, kya aap uski manseek peeda ko define kr skte h jo usne sexual labour me dhakel diye jane par jhela? Nahi kar sakte na! Kyuki koi bhi shabd us takleef ki vyakhya nahi kar skta jo ek bache ne us dauran saha.


Child trafficking India me reportedly kaafi zada paya jata h, kayi wajah h iski jaise ki education ki kami hona, family ke paas guzara krne ke liye saadhan na hona, etc. Par kya ye saari wajah is apraadh ko dabane ke liye kaafi h? Paaya jata h ki rural areas me, zada tar family ke apne log apne hi bache ko bech dete h sirf kuch paiso ke liye taki wo apna guzara kar sake, to kayi mamle aise h jaha traffickers jhute job ke waade krke bacho ko khareed sheher le jaate h or fir ya to wo sexual labour me daal diye jate h ya to kisi or kaam me.

Isi sangeen jurm krne wale traffickers ka adda banta jarha h West Bengal. As per reports, West Bengal stands first when it comes to child trafficking, Is being at the top in such a hinieous crime is it likely to be called a city of joy? Okay let's leave that point, Sirf desh ke andar se hi nai balki Nepal or Bangladesh se bhi yaha kaafi bache beche jaate h. Zada tar bacho ko brothels me bech diya jta h to work as sexual labours.


Ek aisi hi kahani Sayeeda ki jo ki apne maata pita ke sath apne 2 kamre wale ghar me rehti thi. Use bachpan se hi nachne gaane ka kaafi shaukh tha, jiski wajah se uske ghar walo ne uski 13 warsh me hi shadi kra di par unfortunately her husband was abusive and she returned home. Par yaha abhi dukho ka ant nahi tha, wo jaha dance sikhti thi waha use ek ladke ke sath pyar hua jisne use India me dancer banne ka sapna dikhaya or use west bengal le aya. Par waha wo akeli ladki nahi thi, jab usne apne boyfriend se pucha ki wo yaha kyu h to usne sidha keh diya ki wo use yaha brothel me bechne laya h. Sayeeda was shattered but she had no other option kyuki uske mana krne par wo use maar kar fek deta.


Sayeeda, waha rehne lagi or fir she was assaulted atleast 20 times a day for straight two years. The sorrow had no ending. Sayeeda was rescued when the police raided the brothel and arrested the criminals.


One such survivor is the 15 year old Tina, a resident of Assam. Jab use kidnap kiya gya tha use koi idea nahi tha ki use kaha lejaya jarha h. Tina ko ek aadmi ke ghr becha gya ghar ke kaam krne ke liye, after which she was a little relived knowing that she only had to do domestic work par uski itni achi kismat nahi thi, all she had to do is work for 15-20 hours or uske badle, use milta tha abuse by her employer. She was beaten up and burnt. Ek saal baad use jab rescue kiya gya she was pregnant and traumatised. Apne ghar lautne ke baad bhi woh apne ghar se nikalna nahi pasand karti, kyuki use dar h ki kahi koi or use kidnap na krle ya log use buri nazar se na dekhe.


At the end this is how our society works, koi agar kisi kathin apraadh se survive krke zinda laut ata h to use samaj me achut ki tarah treat kiya jata h, log use apnaana hi nahi chahte, ye bhi ek karan h jiski wajah se log bachne ke baad bhi apne ghar lautne ki himmat nahi juta paate or most of the times suicide ka sahara lete hai.


Is situation ko tackle krne ke teen sbse zaroori upaay yahi h ki logo ko proper education mile, kyuki proper education na hone ke karan bacho ke career options kam hojate h, unke paas kaam nahi hota na hi unhe apne rights ke bare me jaankari hoti h, jis karan wo aasani se kisi ki baaton me aajate h or jurm ko sehte h. Dusra upaay h rural areas me jeene ke saadhan hona, taki unhe do waqt ki roti ke liye apne hi ghar ke bacho ka sauda na krna pade. Or teesra, ek sakht kanoon vyavastha hona.


Par aapko kya lagta h kya ye teen precautions kaafi h? Ya aapko bhi badalne ki zaroorat h ? Aaj ke generation me bache maa baap ke chilla dene par ya unki demand nai puri krne par unhe ghar chrne ki dhamki dete hai, unhe lagta h ki unke maa baap ne unke zariye unki life kabhi dekhi hi nai h, lekin unka kya jinhone ne apna bachpan hi nai dekha h, khilaune, tohfe, maa baap ka pyar kya hota h unhe pata hi nai h, unke liye maano ye ek naya subject h. Agar unhone kuch dekha h to sexual assualt, maar- peet, or majduri. Isiliye jo mila h usme khush rho kyuki is duniya ke kitaab ke kayi panne aapne nahi dekhe h.

  • Twitter
  • White Facebook Icon
  • White Instagram Icon
  • White YouTube Icon
  • Spotify

© 2020 Made in INDIA by Teenskagram media. All right reserved.